बूढीगण्डकी बाढी : ४९ जनाको उद्धार

गोरखा, २५ असोज । बूढीगण्डकी नदीमा आएको बाढीबाट प्रभावित ४९ जनाको नेपाली सेनाले उद्धार गरेको छ । नेपाली सेनाका चार वटा हेलिकप्टर तथा स्थलमार्गबाट खटिएको टोलीले आइतबार साँझसम्म ४९ जनाको जनाको उद्धार गरेको जनाएको हो । सेनाका अनुसार अन्य सुरक्षा निकाय तथा सम्बन्धित निकायसँग समन्वय गरी प्रभावित क्षेत्रमा थप खोज तथा उद्धार कार्य जारी रहेको छ । यसैबीच गृहमन्त्री सुदन गुरुङ्गले बुढीगण्डकी बाढीपछिको उद्धार र राहत कार्य तीव्र पारिएको बताउनु भएको छ । राहत सामग्रीका पहिलो चरणको ३ वटा ट्रकहरू पठाइसकिएको छ । आरुघाटबाट गोरखासम्म निःशुल्क सार्वजनिक बस सेवा सञ्चालनको तयारि भएको गृहमन्त्री गुरुङले आफ्नो फेशबुक मार्फत भन्नु भएको छ । सडक र यातायात सुचारू गर्न बेलीब्रिज जडानलगायतका तयारीहरू पनि भई रहेको उहाँले फेशवुक मार्फत जानकारी दिनु भएको हो ।