बुटवल, १८ असोज । नेपालमा टीभीएस मोटर कम्पनीको, दुई पांग्रे र तीन पांग्रेका एकमात्र आधिकारिक वितरक जगदम्बा मोटर्स प्रालिले तिलोत्तमा कफी कम्पनीमा अपाचे रेस एक्सपेरियन्स एआरई जीपि रेसिङ क्वालिफायर्सको बुटवल चरण सम्पन्न भएको छ । बुटवल क्षेत्रका लागि टीभीएसको आधिकारिक डिलर बालाजी अटोमोबाइल्ससँगको सहकार्यमा आयोजित कार्यक्रममा क्षेत्रका उदीयमान राइडर, मोटर स्पोट्र्सप्रेमी तथा एमेच्योर रेसरहरूले व्यावसायिक रेस प्रशिक्षण र प्रतिस्पर्धात्मक रेसिङ पुरा भएको छ । एआरई जीपीका पुर्व विजेता सुजन थापा मगर र राष्ट्रिय च्याम्पियन नवाङ मोक्तानले प्रशिक्षण दिनु भएको कार्यक्रममा सुरुवात राइडिङ पोस्चर, कर्नरिङ प्रविधि, लिनिङ, ब्रेकिङ र भिजन कन्ट्रोलसम्बन्धी प्रशिक्षण दिनु भएको थियो ।
बुटवलमा भएको १६० सीसी वर्गको फाईनल प्रतिस्प्रर्धामा ३४.०७ सेकेन्डमा लक्ष्य पुरा गरि धिरज बि.क. एआरई जीपि रेसिङ बुटवलमा विजयी हुनु भएको छ । यस्तै ३४.६२ सेकेन्डमा लक्ष्य पुरा गरि अभिषेक पन्थी प्रथम उपविजेता र ३४.८७ मा लक्ष्य पुरा गरि अरिक श्रेष्ठ द्वितीय उपविजेता बन्नुभयो ।
यसैबीच प्रशिक्षणपछि मुख्य आकर्षणका रूपमा १६० सीसी वर्गको प्रतिस्पर्धात्मक रेस सम्पन्न भएको छ । बुटवलमा भएको १६० सीसी वर्गको फाईनल प्रतिस्प्रर्धामा ३४.०७ सेकेन्डमा लक्ष्य पुरा गरि धिरज बि.क. एआरई जीपि रेसिङ बुटवलमा विजयी हुनु भएको छ । यस्तै ३४.६२ सेकेन्डमा लक्ष्य पुरा गरि अभिषेक पन्थी प्रथम उपविजेता र ३४.८७ मा लक्ष्य पुरा गरि अरिक श्रेष्ठ द्वितीय उपविजेता बन्नुभयो । यी तीन राइडरले एआरई जीपी ग्रान्ड फिनालेमा बुटवलको प्रतिनिधित्व गर्नेछन्, जहाँ उनीहरूले काठमाडौं, नेपालगञ्ज, इटहरी र पोखराका शीर्ष क्वालिफायर्ससँग प्रतिस्पर्धा गर्ने छन् ।
यसैबीच एआरई जिपी बुटवल क्वालिफायर्स सबै सहभागीलाई प्रमाणपत्र वितरण सहित सम्पन्न भएको हो । जसमार्फत ट्र्याकमा उत्रिएका प्रत्येक राइडरको कदर गरिएको थियो । कार्यक्रममा विजयीहरुलाई बधाई तथा सम्मान गर्दै बालाजी अटोमोबाइल्स, बुटवलका प्रबन्ध निर्देशक विशाल जैसवालले बुटवलमा भएको प्रतिस्प्रर्धा राष्ट्रिय च्याम्पियनहरूकै रुपमा भएको बताउनुभयो । उहाँले प्रतिस्प्रर्धीले व्यावसायिक रेसरझैँ रेस गरेको उल्लेख गर्दै जगदम्बा मोटर्स र टीभीएससँग मिलेर बुटवलमा एआरई जीपी ल्याउन सफल भएको बताउनुभयो ।
ग्रान्ड फिनालेको महत्व पोडियमभन्दा धेरै माथि रहेको र १६० सीसी र २०० सीसी वर्गमा प्रथम स्थान हासिल गर्ने विजेताहरूले भारतको मद्रास इन्टरनेसनल सर्किटमा हुने अन्तर्राष्ट्रिय रेसिङमा नेपालको प्रतिनिधित्व गर्ने उहाँले बताउनुभयो । त्यहाँ उनीहरूले ५० भन्दा बढी देशका राइडरहरूसँग प्रतिस्पर्धा गर्ने र त्यहाँ विजेता बनेका राइडरहरूले आफ्नो वर्गमा थप अन्तर्राष्ट्रिय रेसिङमा सहभागी हुने अवसर पाउने उहाँले जानकारी दिनुभयो । उक्त प्रतियोगिताकालागि यात्रा तथा आवासको सम्पूर्ण खर्च जगदम्बा मोटर्स (टीभीएस नेपाल) र टीभीएस मोटर कम्पनी, भारतले व्यहोर्ने समेत प्रबन्ध निर्देशक विशाल जैसवालले जानकारी दिनुभयो ।
