बुटवलको रमाइलो मेलामा दिपक बज्राचार्य र तृष्णा गुरुङ्ग आउने

बुटवल । बुटवल देवीनगरमा लागेको रमाईलो मेलामा दिप्रतिदिन दर्शकको संख्या बढ्दै गएको आयोगकले बताएका छन् । गएको असोज १६ गतेदेखि लागेको मेलामा राष्ट्रिय तथा स्थानीय कलाकारको प्रस्तुती र महोत्सवमा राखिएको स्टलमा दर्शको सहभागिता बढेको आयोजक संस्था रेड रक इभेन्ट म्यानेजमेन्टले जानकारी दियो । बुधबार आयोजकले मेला स्थलमै पत्रकार सम्मेलन गरि मेलामा दर्शकको संख्या बढ्दै गएको र कलाकार र विभिन्न ब्याण्डको प्रस्तुती सहित कन्सल्ट पनि संचालन गरिएको जानकारी दिनुभयो । मेलाका कार्यक्रम संयोजक टेक बहादुर गुरुङ्गले मेलामा असोज २३ गते तृष्णा गुरुङ्ग र एमआरडी, २४ गते शनिबार मम्मी आइडियल, २६ गते दिपक बज्राचार्य, २९ गते हिपहप आइडियल, ३० गते डान्स अईडियल फाईनल र ३१ गते समापन गरिने कार्यक्रम संयोजक टेबहादुर गुरुङ्गले जानकारी दिनुभयो । मेला अवधिमा विभिन्न मितिमा राखिने कन्सल्टकालागि प्रवेश शुल्क ३ सय राखिएको छ । मेलाको आकर्षकका रुपमा ८ टावर सहितको लण्डन गेट रहेको आयोजकले बताएका छन् ।