बुटवल, १७ असोज । बुटवलमा नयाँ मनोरञ्जन गन्तव्यको रुपमा नेक्स्टजेन एड्भेन्चर इन्टरटेनमेन्ट सञ्चालनमा आउने भएको छ । शनिबार बुटवलमा पत्रकार सम्मेलन गर्दै सञ्चालक प्रकाश भुसाल र कार्यकारी प्रमुख दीपक ढकालले छिट्टै बुटवलमा अत्याधुनिक सुविधासहितको इन्टरटेनमेन्ट हब सञ्चालनमा ल्याउन लागेको जानकारी दिनुभयो । “बुटवललाई लक्षित गरेर युवा पुस्ताका लागि नयाँ एड्भेन्चर र मनोरञ्जनको अनुभव दिने उदेश्यले नेक्स्टजेन संचालनमा ल्याउन लागेको सञ्चालक भुसालले बताउनुभयो । उहाँले बुटवलमा रहेको पुरानो डेल्टा परिषरमा संचालनमा आउन थालेको नेक्स्टजेन एड्भेन्चर ढकाल र भुसाल सहित सुदीप काफ्ले र सिद्धार्थ विक्रम थापाले संचालनमा ल्याउन लाग्नु भएको हो । त्यस्तै, मिरर मेज अर्थात् भुलभुलैयामा ऐनै–ऐनाले बनेको संरचनाभित्र प्रवेश गरी फरक तथा रमाइलो अनुभव लिन सकिने भुसालले बताउनुभयो ।
बुटवलमा घुम्न तथा मनोरञ्जन गर्न आउने आन्तरिक पर्यटकका लागि समेत नयाँ गन्तव्य थपिने अपेक्षा गरिएको भुसालले बताउनुभयो । झण्डै दुई करोडको लागतमा संचालनमा आउन थालेको नेक्स्टजेन एड्भेन्चरमा विभिन्न स्वाद सहितका दुई दर्जनबढी १८ डी का भिडियोहरु प्रदर्शन गरिने एड्भेन्चरका प्रमुख कार्यकारी दीपक ढकालले जानकारी दिनुभयो । कार्यकारी प्रमुख ढकालका अनुसार नेक्स्टजेनमा फिल्म, गेमिङ, र परिवारमैत्री मनोरञ्जनका सम्पूर्ण सुविधाहरु रहनेछन्। बुटवलमा मनोरञ्जन क्षेत्रमा नयाँ आयाम थप्ने विश्वासका साथमा नेक्स्टजेन एड्भेन्चर संचालनमा ल्याउन थालेको उहाँले बताउनुभयो । नेक्स्टजेन एड्भेन्चरको शुभारम्भकालागि तयारी तिब्र रुपमा भइरहेको र छिट्टै औपचारिक उद्घाटन मिति सार्वजनिक गरिने अर्का संचालक सुदीप काफ्लेले बताउनुभयो । नेक्स्टजेन एड्भेन्चरका अनुसार कार्तिक एक गतेदेखि अनौपचारीक सुरुवात गरिने र पछि विशेष कार्यक्रमको आयोजना गरि भब्य उद्घाटन गरिने आयोजकले बताए ।
