बुटवल । जिल्ला सहकारी संघ लिमिटेड पश्चिम नवलपरासीको अध्यक्षमा राजनकुमार आचार्य निर्वाचित हुनु भएको छ । सामाजिक कार्यमा सक्रिय रहदै आउनु भएका आचार्य सहकारी संघको नयाँ सञ्चालक समितिमा सर्वसम्मत चयन हुनु भएको हो । एक बर्ष कार्यकाल अगाबै संघका अध्यक्ष विष्णुप्रसाद पौडेलले पदबाट राजिनामा दिएपछि ४५ औं बार्षिक साधारण सभाकै अवसरमा संघको निर्वाचन गरिएको थियो । सोही निर्वाचनबाट आचार्यले सहकारी संघको नेतृत्व सम्हाल्ने मौका पाउनु भएको हो । उहाँले संघको नेतृत्व सम्हाल्दै संघलाई पारदर्शी र क्रियाशिल बनाउने बताउनुभयो । उहाँले संस्थालाई अघिल्लो कार्यसमितिले गरेका कामलाई निरन्तरता दिदैँ अझै उदाहरणीय संस्थाका रुपमा स्थापित गर्ने बताउनुभयो ।
जिल्ला बचत तजा ऋण सहकारी संघको संस्थापक अध्यक्ष समेत रहेका आचार्य विभिन्न सामाजिक क्षेत्रमा सक्रिय रहदै आउनु भएको छ ।
जिल्ला बचत तजा ऋण सहकारी संघको संस्थापक अध्यक्ष समेत रहेका आचार्य विभिन्न सामाजिक क्षेत्रमा सक्रिय रहदै आउनु भएको छ । नवनिर्वाचित जिल्ला सहकारी संघको उपाध्यक्षमा हैदर अली मोमिन, सचिवमा कृष्ण पौडेल र कोषाध्यक्षमा सुरेन्द्रकुमार पटेल चयन हुनुभएको छ । यस्तै सदस्यहरूमा सीता खरेल, सूर्य अधिकारी, दीर्घजीवी पोखरेल, शोभा चौधरी र धनमाया क्षेत्री चयन हुनुभएको छ । यसैगरी, लेखा सुपरिवेक्षण समितिको संयोजकमा ज्ञानप्रसाद भट्टराई तथा सदस्यमा जोगकुमारी चौधरी र गङ्गा भुसाल सर्वसम्मत चयन हुनुभएको छ । सहकारीको केन्द्रीय प्रतिनिधिमा बृहस्पति अधिकारी चयन हुनुभएको निर्वाचन संयोजक नारायणबहादुर थापाले जानकारी दिनुभयो । जिल्ला सहकारी संघले सुनवलमा सहकारी शीतभण्डारसमेत सञ्चालनमा ल्याएको छ ।
