बुटवल । भोटेकोशी बाढीबाट प्रभावित परिवारहरूको राहतका लागि बुटवल अमरपथमा रहेको समृद्धि युनिसेक्स सलुनले एक लाख एघार हजार एक सय एघार रुपैयाँ प्रधानमन्त्री दैवी प्रकोप राहत कोषमा सहयोग गरेको छ । समृद्धिका संचालक मोहन ठाकुरले यो पिडाको समयमा थोरै भएतापनि सहयोग होस भनेर प्रधानमन्त्री कोषमा सानो सहयोग गरेको बताउनुभयो ।
उहाँले यो विपत्तको वेला सबैले मिलेर थोरै थोरै सहयोग गर्नु पर्ने बताँउदै सानो सहयोगले राहतको पर्खाइमा भएकाहरुलाई मर्हम हुने विश्वास ब्यक्त गर्नुभयो । उहाँले बाढीका कारण घर बहार बिहीन भएका र परिवारबाट विछडीएका परिवारलाई सहानुभतीसँगै सम्हालीने शक्ति मिलोस भनि कामना गर्नु भएको छ । ‘‘भोटेकोशी बाढीमा परि मृत्यु भएकाप्रति हार्दिक श्रद्धाञ्जली र प्रभावित सम्पूर्ण परिवारप्रति हार्दिक सहानुभूति व्यक्त गर्दै, उहाँहरूको पुनःस्थापना र सहज जीवनको कामना गर्दछौँ ।’’ संचालक ठाकुरले भन्नुभयो ।
