बुटवल, १४ भदौ । रसुवा भोटेकोशी बाढीका कारण प्रभावित भएकाहरुको राहतकालागि रुपन्देही बुटवलका कसौधन समुदायले प्रधानमन्त्री दैवी प्रकोप राहत कोषमा एक लाख ५० हजार रुपैया सहयोग गरेका छन् । कसौधन समुदायका सदस्यहरु आवद्ध रहेको कसौधन सेवा समिति, कसौधन महिला समिति र कसौधन युवा समितिमा आवद्ध कसौधन समुदायका अगुवा तथा सदस्यहरुले प्रधानमन्त्री राहत कोषमा एक लाख ५० हजार सहयोग गरेका हुन् । प्रधानमन्त्री राहत कोषमा कसौधन सेवा समिति, कसौधन महिला समिति र कसौधन युवा समितिले २५/२५ हजार रुपैयाँ सहयोग गरेका हुन् भने अन्य ब्यक्ति तथा संस्थाले पनि आआफ्नो हैसियत अनुसार सहयोग गरेको सेवा समितिका अध्यक्ष राधेश्याम कसौधनले जानकारी दिनुभयो ।
सेवा समितिका अध्यक्ष राधेश्याम कसौधनका अनुसार सेवा समितिका सल्लाहकार जवाहरलाल कसौधन, सञ्जय कसौधन, राधेश्याम कसौधनले ११/११ हजार रुपैयाँ, बलराम कसौधन, पुष्पा कसौधन, सिता कसौधन, धर्मेन्द्र कसौधन, राकेश कसौधन, पे्रमलता कसौधन र शिवम कसौधनले ५१/५१ सय रुपैया, मुरली प्रसाद कसौधनले तीन हजार रुपैया, धमेन्द्र कसौधनले २२ सय रुपैयाँ सहयोग गर्नु भएको हो । कसौधन सेवा समितिका अध्यक्ष राधेश्याम कसौधनले प्रकोपको समयमा बाढी प्रभावितहरुलाई थोरै भएपनि राहत पुगोस् भनेर सहयोग जुटाएर प्रधानमन्त्री राहत कोषमा सहयोग गरिएको बताउनुभयो । बाढीले निम्त्याएको कहरका समयमा कसौधन समुदायका ब्यक्तीहरुले स्तह स्फुर्त रुपमा संकलन रकम संकलन गरेर प्रधानमन्त्री राहत कोषमा सहयोग गरेको उहाँले बताउनुभयो ।
