प्रधानमन्त्री उद्धार कोषमा दुई अर्ब संकलन

काठमाण्डौ, १२ भदौ । प्रधानमन्त्री दैवी प्रकोप उद्धार कोषमा ३६ घण्टामा झन्डै २ अर्ब रुपैयाँ सङ्कलन भएको छ । अर्थ मन्त्रालयका अनुसार बुधवार दिउँसोदेखि बिहीवार राति १२ बजेसम्म १ अर्ब ९१ करोड रुपैयाँभन्दा धेरै सहयोग जुटेको हो । दाताहरूले १० वटा वाणिज्य बैंकमा रहेको खातामा रकम जम्मा गरेका हुन् । यो सहायतामा विभिन्न मित्रराष्ट्रबाट घोषणा भएको रकम समावेश छैन ।