चीनतर्फको नयाँ ताल फुटेको हाेइन, बाँध भरिएर निस्किएको हो : प्राधिकरण

काठमाण्डाै । राष्ट्रिय विपद् जोखिम न्यूनीकरण तथा व्यवस्थापन प्राधिकरणले अहिले भोटेकोशी हुँदै त्रिशूलीमा आएको बाढी चीनतर्फ नयाँ बनेको ताल फुटेर नभई ताल भरिएर ‘ओभरफ्लो’ भएको बताएको छ ।

प्राधिकरणकी प्रवक्ता शान्ति महतका अनुसार चीनतर्फबाट प्राप्त जानकारीअनुसार ताल भरिएर बगेको पानीका कारण बाढीको मात्रा बढेकोले तल्लो तटीय क्षेत्रमा सचेत गराइएको हो ।यसअघि नेपाल प्रहरीले बाँध भत्केको जानकारी प्राप्त भएको भन्दै तटीय क्षेत्रमा सतर्क रहन र सुरक्षित ठाउँतर्फ जान सूचित गरेको थियो । चिनियाँ सरकारी सञ्चारमाध्यमले बाँध भत्किएको नभई जम्मा भएको पनि बाँध भरिएर बाहिर निस्किएको जनाएको छ ।