साईकलसहित उत्कृष्ट विद्यार्थी सम्मानित

भैरहवा, ७ भदौ । रुपन्देहीको कोटहीमाई गाउँपालिका–६ निवासी राहुल यादवले गाउँपालिकाभित्र कक्षा १२ उत्तीर्ण गरेका चारजना उत्कृष्ट विद्यार्थीलाई साईकलसहित सम्मान गर्नुभएको छ । त्यस्तै उहाँले गाउँपालिकाभित्रका १२० जना विद्यार्थीलाई सम्मान गर्नुभएको हो।  कोटहीमाई गाउँपालिकाको सभाहलमा आयोजित कार्यक्रममा विद्यार्थी, शिक्षक तथा विद्यालयलाई सम्मान गरिएको हो ।
२०८३ सालमा सञ्चालित कक्षा १२ को परीक्षामा कोटहीमाई गाउँपालिकाभित्रका चारवटा विद्यालयबाट उत्कृष्ट नतिजा ल्याउने चारजना विद्यार्थीलाई साइकल उपहारसहित सम्मान गरिएको थियो । श्री मर्चवार आदर्श माध्यमिक विद्यालयबाट कक्षा १२ को परीक्षामा ३ दशमलव ११ जीपीए ल्याउनुभएकी गुडिया गुप्ता बनिया उक्त विद्यालयकी उत्कृष्ट विद्यार्थीका रूपमा सम्मानित हुनुभएको थियो ।